Sekretari i Përgjithshëm i Kombeve të Bashkuara (OKB), Antonio Guterres ka përshëndetur përparimin e fundit në bisedimet e paqes në Afganistan mes SHBA-së dhe talebanëve.

Duke folur në një konferencë ndërkombëtare mbi refugjatët Guterres theksoi se OKB-ja mbështet gjithmonë përpjekjet për paqen në Afganistan.

“Ne e dimë se sfidat e mëdha janë përpara, por mesazhi i kësaj konference dhe prania e kaq shumë zyrtarëve të lartë të qeverive nga e gjithë bota është një dëshmi e angazhimit të hapur për një partneritetit të ri për solidaritetin dhe të ardhmen më të mirë për popullin e Afganistanit dhe Pakistanit, si dhe për botën”, deklaroi Guterres.

Në seancën e hapjes së konferencës dy-ditore po ashtu të pranishëm ishin kryeministri pakistanez, Imran Khan, i dërguari i lartë amerikan për paqen, Zalmay Khalilzad, zëvendëspresidenti afgan, Muhammad Sarwar Danish, zëvendësministri turk i Punëve të Brendshme, İsmail Çataklı, komisioneri i lartë i OKB-së për refugjatët, Filippo Grandi si dhe zyrtarë të tjerë të larta nga afro 20 vende.

Guterres vlerësoi angazhimin e Pakistanit për pritjen e miliona refugjatëve afganë gjatë 40 viteve të fundit, duke theksuar se Pakistani edhe sot është vendi i dytë për strehimin më të madh të refugjatëve në botë.

“Në çdo vizitë këtu, unë jam prekur nga rezistenca dhe bujaria e jashtëzakonshme. Pashë solidaritet jo vetëm me fjalë, por edhe me vepra”. shtoi ai.